क्रोएसिया पठाइदिने भन्दै करोडौँ ठगी गर्ने युवा सञ्जय सरदार शनिवार साँझ विराटनगबाट पक्राउ परेका छन् ।
सरदारले झापा गाउँपालिका क्षेत्र र झापा कनकाई नगरपालिका ३ सुरुङ्गा बजारका एक सय बढी युवालाई राम्रो देशमा रोजगारी लगाइदिने भन्दै प्रतिव्यक्ति १ लाखदेखि ३ लाखका दरले रकम उठाएका थिए ।
मोरङ पोखरिया घर भई हाल कनकाई नगरपालिका ३ मा डेरा गरी बस्ने ३९ वर्षीय सञ्जय सरदारलाई विराटनगरको कटहरीस्थित आदर्शनगरबाट शनिवार राति ९ बजे प्रहरीले पक्राउ गरेको हो ।
सरदारले त्यहाँका अन्य मानिसलाई समेत विदेशकाे राम्रो देश पठाइदिने भन्दै करोडौँ रकम ठगी गरेको र लुकिछिपी बस्दै आएको प्रहरीको भनाइ छ । विशेष सुराकीको आधारमा प्रहरीले पक्राउ गरी हाल जिल्ला प्रहरी कार्यालय विराटनगरमा राखिएको जिल्ला प्रहरी कार्यालय मोरङले जनाएको छ ।