सोमवार, बैशाख १७, २०८१
चितवन । । चितवन स्थित कारको टायर पड्केर दुर्घटना हुँदा एक जनाको मृत्यु भएको छ ।
कालिका नगरपालिका वडा नम्बर १ लंकालाइनमा भरतपुरबाट खोले सिमलतर्फ जाँदै गरेको बा ११ च ८७८९ नम्बरको कारको टायर पड्किदा अनियन्त्रित भई नालीमा पल्टिएको थियो ।
मृत्यु हुनेमा चालक काठमाडौँ महानगरपालिका-५ का विष्णु क्षेत्री रहेका छन् । क्षेत्रीको चितवन मेडिकल कलेजमा उपचारका क्रममा मृत्यु भएको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए ।
