शनिबार, बैशाख १५, २०८१
एमाले काभ्रेको १० औँ जिल्ला अधिवेशन नयाँ नेतृत्व चयन गर्दै सकिएको छ । पदाधिकारीको दुई सहित २६ पद निर्विरोध निर्वाचित र बाँकी ७९ पदमा मतदान मार्फत जिल्ला कमिटीले पूर्णता पाएको हो ।
अध्यक्षमा अशोक कुमार ब्याञ्जु श्रेष्ठ र उपसचिबमा रिता ढकाल बन्द सत्रको पहिलो दिनमै निर्बिरोध निर्वाचन हुनुभएको थियो । त्यस्तै एकता प्रक्रियामा आएका अन्य २४ जना जिल्ला कमिटी सदस्यमा निर्बिरोध निर्वाचित भएका थिए ।
सोमबार भएको निर्वाचनको अन्तिम मत परिणाम अनुसार उपाध्यक्षमा चन्द्र लामा ६३९ मत सहित विजयी हुनुभएको छ । उपाध्यक्षका उम्मेदार कन्ञ्च अधिकारीले ३९३ मत र हरिशरण दाहालले ३३१ मत प्राप्त गर्नु भएको थियो ।
सचिबमा राजन भुर्तेल ७३७ मत सहित विजयी हुनुभएको छ । इन्द्र बहादुर तामाङ ६२६ मतमै चित्ता बुझाउनु पर्यो ।
उपसचिबमा कुमार तिमल्सिना र राजकुमार सापकोटाले बराबरी मत पाउनुभएको छ । दुबै जनाले ३७५/३७५ मत ल्याउनु भएको हो । बराबर मत ल्याएपछि निर्वाचन समितिले सापकोटालाई विजयी घोषणा गरेको छ ।
उपसचिबको अन्य उम्मेदवार महेश्वर जंगम ७२ मत, बिदुर हुमागाई २०४ मत र दिलिप लामाले ३३७ प्राप्त गर्नुभएको छ ।
अधिवेशन १४ सय ३५ जना प्रतिनिधि थिए । त्यसमा १३ सय ६३ मत खसेको थियो । अधिवशनले १०५ सदस्यीय जिल्ला कमिटी निर्माण गरेको हो ।
