सात दिनदेखी बेपत्ता भएका मन्थली नगरपालिका–१ का २७ बर्षिय दिपेश मानन्धर सम्पर्कमा आएका छन् ।
उनी मन्थली नगरपालिकाको भैशेश्वर चोकमा बुधवार साँझ भेटिएका हुन् । यहि फाल्गुन ५ गते बिहिवार बिहान घरमा बुबा सँगै खाना खाएर मधुमेहको परीक्षणको लागि अस्पताल जान्छु भनेर हिडेका दिपेश त्यसपछि घरमा फर्किएका थिएनन् ।
घरवाट उपचारको लागि जान्छु भनेर हिडेका दिपेश गाडी चढेर काठमाण्डौं तर्फ गएको उनले बताएका छन् ।
उनी काठमाण्डौंमा गएर साथीहरुसँग बसेको र पछि साथीहरुसँग विदा मागेर आफै घर आएको दिपेशले आफ्नो बुबा आमालाई जानकारी गराएका छन् ।
काठमाण्डौंबाट गाडी चढेर घर फर्किएका दिपेशले भैश्वेश्वर चोकमा रोकेको गाडीवाट झरेर पसलमा सामान किन्न लाग्दा व्यवसायीहरुले चिनेपछि उनलाई दिपेशको घरसम्म ल्याइदिएका थिए ।
एकहप्ता देखी हराएका दिपेश घरमा आएपछि घरपरिवारका सदस्य तनावमुक्त भएका छन् ।
दिपेश घरमा आएसँगै उनका बुबा दिलकुमार मानन्धरले हराएको छोरा सम्पर्कमा आएकपछि खुशी व्यक्त गरेका छन् ।
त्यस्तै उनले एकहप्तासम्म खोजतालसमा संलग्न सबैलाई सहयोग गरेकोमा धन्यवाद समेत व्यक्त गरेका छन् ।