शनिबार, बैशाख १५, २०८१
काभ्रेपलाञ्चोक | काभ्रे प्रहरीले धुलिखेल नगरपालिका वडा नम्बर ९ ढुङगाखानि स्थित शुसिल रानाभाटले संचालन गरेको शुभान होटेलमा कौडा खेल्दै गरेका ५ जनालाई नियन्त्रणमा लिएको छ ।
कौडा खेलिरहेको छ भन्ने गोप्य सुचनाको आधारमा जिल्ला प्रहरी कार्यालय काभ्रेपलाञ्चोकबाट खटिएको प्रहरी टोलीले ५ जनालाई नियन्त्रणमा लिएको हो ।
प्रहरीले पक्राउ पर्नेको नाम र ठेगाना भने सार्वजनिक गरेको छैन् । उनीहरुको साथबाट पन्ध्र वटा कौडा सहित नेपाली रुपैँया २० हजार ६८० रुपैयाँ नगद बरामद भएको जिल्ला प्रहरी कार्यालय काभ्रेपलाञ्चोक प्रवक्ता डिएसपी राजकुमार श्रेष्ठले जानकारी दिनुभयो ।
उनीहरुलाई जिल्ला प्रहरी कार्यालय काभ्रेपलाञ्चोकमा राखिएको छ । घटना हिजो बेलुकाको हो ।
